🗣Зоной заяан Николай Дамдинов Автор уншана Арюун бороогоо сүршэн һэбеэд, Аяар холоһоо амисхаалнал Оюун сэнхирээ хубирхагүй Одон тэнгэри — зоной заяан. Элшэ туяагаа харбан эльгээд, Энхэ хизаараа гэрэлтүүлнэл Үеын үедэ унтархагүй Үндэр нарамнай — зоной заяан. Набша ногоогоо дэлгэн гоёод, Налгай тэнюунээр сэсэглэнэл Түмэн галабта гандахагүй Түби дэлхэймнай — зоной заяан. 1980 «Буряад ФМ» гэһэн радиосубагай ба «Соел» сайтын «МИНДАҺААР ДАМЖАҺАН ДУУНУУД – МЕЛОДИИ СТАРЫХ ПЛАСТИНОК» гэһэн түсэл. #soyol