💬Toshkent davlat tibbiyot universitetida 2025-2026 o‘quv yilida ma’naviy-ma’rifiy va tyutorlar faoliyatida yangicha yondashuvda ishlar amalga oshiriladi
➡️2025-yil 20-avgust kuni Toshkent davlat tibbiyot universitetining Stomatologiya kampusida Yoshlar masalalari va ma’naviy-ma’rifiy ishlar bo‘yicha birinchi prorektor Turdikul Bobomuratov hamda universitetda ma'naviy-ma'rifiy muhit barqarorligini ta'minlash bo'yicha mas'ullar ishtirokida yig‘ilish o‘tkazildi.
🔺Tadbirda ma’naviy-ma’rifiy va tarbiyaviy ishlarni yanada samarali tashkil etish, talabalar o‘rtasida ma’naviy qadriyatlarni mustahkamlash va yoshlarning ijtimoiy faolligini oshirish masalalari muhokama qilindi.
🔹Yig‘ilishda ommaviy tadbirlarni tashkil etish va san’at bo‘limi xodimlari, psixologlar, profilaktika inspektorlar, fakultet dekanlarining yoshlar bilan ishlash bo‘yicha o‘rinbosarlari, tarbiyachi-pedagoglar, talabalar turar joylari mas'ul xodimlari hamda tyutorlar ishtirok etdi.
✈️Talabalar turar joylarida talabalar tarbiyasiga rahbariyat nazorati ostida komendantlar va tarbiyachi-pedagoglar tomonidan muntazam e’tibor qaratilishi, shu bilan birga, ijara xonadonlarida yashovchi talabalar uchun ham xavfsiz va qulay yashash muhitini ta’minlash uchun zarur ishlar olib borilishi lozimligi alohida ta'kidlandi.
🔍Universitet rahbariyati talabalar turar joyi va ijara xonadonlaridagi sharoitlarni doimiy ravishda yaxshilash hamda talabalar orasida madaniyatli, intizomli turmush tarzini shakllantirishga alohida ahamiyat bermoqda.
#ToshDavTU #manaviyat #marifat #tyutorlar
✅Rasmiy sahifalarimiz:
Telegram | Facebook | Instagram | YouTube | X | LinkedIn
