Аны әлеге оешманың социаль партнерлары - районның туган якны өйрәнү музее хезмәткәрләре үткәрде. Алар ачык җәйге беседкада җыелган социаль хезмәт алучыларга әлеге бәйрәмнең тарихы турында сөйләделәр, алар өчен мавыктыргыч викторина оештырдылар. Өстәвенә, интернатта яшәүчеләр кунакларны ил тарихы, аның төп дәүләт символлары өлкәсендәге киң белемнәре белән гаҗәпләндерде. Аннары методист Мария Шаһиәхмәтова барысын да бәйрәм открыткаларын бизәү буенча мастер-класска чакырды. Параллель рәвештә музей җитәкчесе Людмила Спирина тәрбияләнүчеләргә төбәк тарихы, район символларындагы эмблемалар турында бик күп кызыклы мәгълүмат җиткерде.
"Социаль партнерлык кысаларында музей хезмәткәрләре әңгәмәләр, викториналар, иҗади мастер-класслар берләштергән танып белү чараларын бездә даими оештыралар, - ди интернат-йорт җитәкчесе Тәнзилә Васильева. - Моңа өстәп, безнең тәрбияләнүчеләрне еш кына үзләренә чакыралар: алар өчен экскурсияләр үткәрәләр, бергәләп төрле кул эшләре эшлиләр. Бу яшәүчеләргә һәрвакыт төрле яктан файда китерә: алар социальләшәләр, кулларының вак моторикасын, когнитив һәм коммуникатив сәләтләрен үстерәләр, күп яңалыклар беләләр. Болар барысы да аларның актив озын гомерлелегенә ярдәм итә".