Казакстандын президенти Касым-Жомарт Токаев кыргызстандыктарды "Достык" ордени менен сыйлап, бул сыйлык Казакстан менен Кыргызстандын ортосундагы түбөлүктүү боордоштук жана достуктун символу экенин белгиледи.
🎖️ Казакстандын президенти Касым-Жомарт Токаев 22-августта Кыргызстандын президенти Садыр Жапаровдун катышуусунда кыргызстандык мамлекеттик жана коомдук ишмерлерди “Достык” ордени менен сыйлады.
🤝 “Достык” I даражадагы ордени менен Казакстан менен Кыргызстандын ортосундагы достук жана союздаштык мамилелерди өнүктүрүүгө чоң салым кошкон мамлекеттик кызматкер Камчыбек Ташиев сыйланды.
🏅 “Достык” II даражадагы ордени менен Жогорку Кеңештин депутаты Дастанбек Жумабеков, президенттин кеңешчиси Арслан Койчиев жана коомдук ишмер Аскар Салымбеков сыйланышты.
🇰🇿 Касым-Жомарт Токаев бул иш-чара жөн гана салтанат эмес, Казакстандын кыргыз элине болгон ыраазычылыгынын жана терең урматынын белгиси экенин баса белгиледи.
📜 Бүгүнкү иш-чара казак-кыргыз мамилелеринин тарыхында түбөлүк боордоштук жана жакшы коңшулук мамилелердин символу катары алтын тамгалар менен жазыларына ишеничин билдирди.