Монголияла август айы башында мас-рестлинг буйынса үткәрелгән VII донъя чемпионатында Дүртөйлө спортсыһы Тимур Зарипов та ҡатнашты. 16-17 йәшлектәрҙең ауырлыҡ категорияһында яҡташыбыҙ алтын миҙал яуланы. Үҫмерҙең тренеры – Андрей Батурин. 32 илдән йыйылған спортсылар төрлө ауырлыҡ категорияларында көс һынашты. Рәсәйҙең йыйылма командаһы юғары кимәлдә сығыш яһаны. Яҡташыбыҙ Тимур Зарипов хәл иткес финалда Ҡырғыҙстандың көслө спортсыһын еңеп, донъя чемпионы исемен яуланы. Тимур – Рита һәм Рөстәм Зариповтар ғаиләһендә икенсе бала. Ата-әсә улдарының шөғөлөн хуплай һәм ярҙам итергә тырыша. “Тимур хәрәкәтсән, ҡыҙыу холоҡло, тап шундай егеттәргә көс талап иткән спорт менән шөғөлләнергә кәрәк, – ти тренер, пауэрлифтинг буйынса спорт мастерлығына кандидат Андрей Батурин. – Ике йыл буйы көсөргәнешле күнекмәләр беҙҙе еңеүгә килтерҙе.” Спорттың был төрө буйынса ул Башҡортостан йыйылма командаһының тренеры ла булып тора. Донъя чемпионына 16 йәш тулған, ҡаланың 5-се мәктәбен уңышлы тамамлаған