Бишкек мэриясы ата-энелерге балдарды электрондук кезек аркылуу каттоо боюнча кайрылуу жасап, документтерди мектепке тез арада тапшырууну эскертет.
📚 Бишкек шаарынын мэриясы биринчи жана экинчи класстын окуучуларынын ата-энелерине кайрылуу жасады.
📝 Электрондук кезек аркылуу балдарын каттаган ата-энелерден, Кыргыз Республикасынын мамлекеттик жана муниципалдык жалпы билим берүү мекемелерине балдарды электрондук каттоо боюнча автоматташтырылган маалымат системасынын жобосуна ылайык, мектепке төмөнкү документтерди тез арада алып келүү талап кылынат:
📄 Баланын ден соолук абалы тууралуу медициналык маалымкаттын түп нускасы (белгиленген формада).
💉 Баланын алган эмдөөлөрү тууралуу медициналык маалымкаттын түп нускасы (белгиленген формада).
📷 Баланын 3×4 см өлчөмүндөгү сүрөтү.
🎓 Бул процедура класстарды толуктоо жана жаңы 2025-2026 окуу жылына даярдык көрүү үчүн зарыл.