Кыргыз Республикасынын мүрзөлөрүндө жайларды брондоонун тартиби бекитилди. Бул жараян жарандардын укуктарын коргоого, санитардык жана экологиялык нормаларды сактоого, кызмат көрсөтүүнү ачык-айкын уюштурууга багытталган.
🪦 Кыргыз Республикасынын көрүстөндөрүндө жерлерди алдын ала брондоо тартиби бекитилди.
📜 Кабинет министрлеринин төрагасы Адылбек Касымалиев кол койгон бул чечим, көрүстөндөрдө жерлерди брондоо эрежелерин, шарттарын, мөөнөттөрүн, баасын жана тариздөө жол-жобосун аныктайт.
⚖️ Бул тартиптин максаттары: жарандардын сөөктөрүн татыктуу коюуга болгон укуктарын камсыз кылуу, санитардык, экологиялык, шаар куруу жана диний-маданий нормаларды сактоо, көрүстөндөрдү каттоо жана натыйжалуу башкарууну системалаштыруу, кызмат көрсөтүүлөрдү берүү жана пайдалануу боюнча ачык механизм түзүү.
🏛️ Жергиликтүү өз алдынча башкаруу органдарына бул токтомго ылайык чечимдерин алып келүү тапшырылды.
📅 Токтом расмий жарыяланган күндөн тартып он беш күн өткөндөн кийин күчүнө кирет.