O‘zbekistonda bog‘cha tashkil etadigan tadbirkorlarga imtiyozlar beriladi
Bog‘cha qamrovi 70-80 foizdan past bo‘lgan 80 ta tumanda tadbirkorlarga yengillik beriladi. Bu tumanlardagi bog‘cha va maktablarni bo‘sh yerlarida xususiy sheriklik asosida bog‘cha qurishga ruxsat beriladi.
Bunda:
🔹tadbirkorlardan yer uchun ijara haqi 30 yil davomida undirilmaydi;
🔹ularga davlat bog‘chasida har bir bolaga ko‘zda tutilgan xarajatning yarmi subsidiya qilib beriladi;
🔹ushbu tumanlardagi boshqa joylarda bog‘cha tashkil qilaman, degan tadbirkorlarga 7 yilga 5 mlrd so‘mgacha 18 foizli imtiyozli kredit ajratiladi;
🔹faoliyatini o‘zgartirmaslik sharti bilan yer tekinga beriladi;
🔹ularga ijtimoiy soliq 1 foiz bo‘ladi;
🔹tarbiyachilarining maoshi uch yilgacha to‘lab beriladi.
