Хәҙер ул машина йөрөтә аласаҡ

Өс балаға атай булған ир заманында яуаплы ҡарар ҡабул итеп махсус хәрби операцияға юллана. Ауыр яраланып, госпиталдәрҙә дауаланғандан һуң былтыр яугир өйөнә ҡайта. Инвалид коляскаһында йөрөгәндәрҙең ихтыяр көсө һүнә, өйҙән сыҡмай башлай, әммә "Сухой" ундайҙарҙан түгел. Уға хеҙмәттәше Александр ярҙам итә, хәҙер ул иптәше өсөн йорт янында пандус төҙөй. Ветеран «Ватанды һаҡлаусылар» фондының Өфө филиалында махсус уҡыу һәм ҡул менән идара ителгән автомобиль алыу мөмкинлеге тураһында белгәс, уҡытырға ярҙам итеүҙәрен һорап Күмертау ҡалаһы буйынса республика халыҡ мәшғүллеге үҙәге филиалына һәм ҡала хакимиәте башлығы Олег Астаховҡа мөрәжәғәт иткән. Хакимиәт Күмертау ҡалаһының социаль үҫешкә булышлыҡ итеү хәйриә фондынан аҡса бүлергә ҡарар итә. Әлеге ваҡытта Башҡортостанда водителдәрҙе ҡул менән идара итеүгә ҡайтанан уҡытыу үткәрелгән берҙән-бер ойошма Шишмә районының Рәсәй ДОСААФ -ының урындағы бүлексәһендә урынлашҡан. Уның рәйесе Филүс Сәхибгәрәев Күмертау ветеранын уҡытыу өсөн махсус автомобилдә килгән. - Башҡортостан “В” категориялы водителдәрҙе ҡул менән идара итеүгә ҡайтанан уҡытыу программаһы тормошҡа ашырылған Рәсәйҙең өсөнсө төбәге булды, – ти Филүс Фәнил улы. - Тап беҙҙә Шишмәлә, район етәкселеге һәм уның халҡы ярҙамы менән ошондай курс асыу мөмкин булды. Беҙ өлгәшелгәндәр менән генә туҡталып ҡалмайбыҙ: күптән түгел ДОСААФ бүлексәһе артабанғы үҫешкә миллион һум күләмендә президент грантын отто. Был аҡсаға ҡул менән идара итеүҙе имитациялаған автотренажер һатып алабыҙ. Тәүҙә водителдәрҙе унда, һуңынан автомобилдә уҡытасаҡбыҙ. Шулай уҡ йөк машинаһында ҡул менән идара итеүгә өйрәтеү планлаштырыла. Хәҙерге ваҡытта, физик мөмкинлектәре сикләнгән кеше йөк машинаһы водителе булып эшләй ала, бының өсөн махсус күтәргестәр менән колясканан кабинаға күсергә мөмкин. Мин үҙем отставкалағы полковник, Чечен Республикаһында хәрби хәрәкәттәрҙә ҡатнаштым. Йәмғиәтебеҙ хәрби ветерандарға ярҙам итергә тырыша. Күмертау яугиренең уҡыу тураһында сертификаты күсермәһен Мәскәүгә, «Ватанды һаҡлаусылар» фондына ебәрәсәкбеҙ, һәм тиҙҙән унан уға махсус машина ебәреләсәк, - тине ул. Филүс Сәхибгәрәев аңлатыуынса, “Сухой”ға ҡул менән идара итеүҙе ҡайтанан өйрәнеү, ғәҙәти хоҡуҡтар һәм машина йөрөтөү тәжрибәһе алыу еңел, бының өсөн бер нисә теоретик белемен яңыртыу өсөн бер нисә көн талап ителә. Хәҙер ул үҙе йөрөй һәм ғаиләһен йөрөтә ала, һәм был уға һиҙелерлек ирек өҫтәй. – ДОСААФ-тың Шишмә филиалында ҡул менән йөрөү курстарын үткән алты кеше быны халыҡ мәшғүллеге үҙәгенең уҡыу сертификаттары буйынса эшләне. Беҙҙең осраҡта аҡсаны Күмертау ҡалаһының хәйриә фонды бүлде, ә беҙ ДОСААФ, хәйриә фонды һәм граждандар араһында аралашсы булып сығыш яһаныҡ, - ти мәшғүллек үҙәге директоры Людмила Соломко. Шатлыҡлы ваҡиға бөтә ҡыҙыҡһынған яҡтарҙың берлектәге тырышлығы арҡаһында, әммә беренсе сиратта яугирҙың ҙур теләге арҡаһында мөмкин булды. Уға артабан алдына алған маҡсатты уңышлы тормошҡа ашырыуын теләйбеҙ! Мария Выблова фотоһы.