Казакстандын Президенти Касым-Жомарт Токаев 21-августта расмий сапары менен Кыргызстанга келет. Сапар учурунда эки тараптуу сүйлөшүүлөр, Жогорку Межгосударстволук кеңештин жыйыны, «Достук алтын көпүрөсү» монументин ачуу аземи жана башка иш-чаралар өткөрүлөт.
🇰🇿 Казакстан Республикасынын Президенти Касым-Жомарт Токаев 21-августта Кыргыз Республикасына расмий сапар менен келет.
🤝 Сапардын алкагында мамлекет башчылары тар чөйрөдө эки тараптуу сүйлөшүүлөрдү өткөрүшөт жана Жогорку Межгосударстволук кеңештин жетинчи жыйыны болот.
📈 Тараптар өз ара кызыкчылык жараткан эки тараптуу кызматташтык боюнча актуалдуу маселелерди жана кыргыз-казак мамилелерин өнүктүрүү келечегин талкуулашат.
🗽 Сапардын жүрүшүндө Ынтымак паркында “Достук алтын көпүрөсү” монументин расмий ачуу аземи өтөт, ага эки өлкөнүн лидерлери катышат.
🎬 Ош шаарында Казакстан Республикасынын Генералдык консулдугунун расмий ачылышы, Л.Н. Гумилев атындагы Евразия улуттук университетинин филиалынын ачылышы, Кыргызстанда Казакстан кино күндөрү жана Бишкек шаарында үчүнчү кыргыз-казак Жаштар форуму өткөрүлөт.