Башҡортостандың Дәүләт автоинспекцияһы мәғлүмәттәре буйынса, 18 августа киске сәғәт унынсы яртыла Аксен ауылындағы Вокзал урамында иҫерек водитель “ВАЗ-2114” автомобилендә юл ситендә велосипедта хәрәкәт иткән ҡыҙҙы бәрҙерә. Көслө бәрелештән һуң бала ваҡиға урынында уҡ һәләк булған. Дәүләт автоинспекцияһы хеҙмәткәрҙәре быға тиклем үк был ирҙең иҫерек килеш машина йөрөткән өсөн водитель танытмаһынан мәхрүм ителеүен асыҡлаған. Водителдең медицина тикшереүе һөҙөмтәһе тын һауаһында 1,400 мг/л алкоголь барлығын күрһәткән. Башҡортостандың Дәүләт автоинспекцияһы начальнигы Владимир Севастьянов белдереүенсә, 18 августа республикала өс иҫерек водитель арҡаһында өс юл-транспорт ваҡиғаһы теркәлгән, уларҙа бер бала һәләк булған һәм өс бәлиғ булмаған бала төрлө ауырлыҡтағы йәрәхәттәр алған. Мәҫәлән, Яңауыл районында иҫерек водитель ике балаһын ултыртып хәрәкәт иткәндә юлдан ситкә сығып түңкәрелгән. Әле бәлиғ булмаған балалар урындағы дауахананың нейрохирургия бүлегендә ята. Шулай уҡ Ейәнсура районын