Օգոստոսի 18-ին, առեղծվածային մահվան դեպք է տեղի ունեցել Երևանում։ Ժամը 17։40-ի սահմաններում տեղեկություն է ստացվել, որ Դեմիրճյան 1 հասցեում գտնվող էլիտար շենքի ստորգետնյա ավտոկայանատեղիում՝ «Mercedes» մակնիշի ավտոմեքենայում, դի կա։
Ինչպես դեպքի վայրից հայտնել է ֆոտոլրագրող Գագիկ Շամշյանը, «Mercedes» մակնիշի ավտոմեքենայում՝ վարորդի նստատեղին հայտնաբերվել է տղամարդու դի՝ քունքի շրջանում հրազենային վնասվածքով։
Նրա ձեռքում հայտնաբերվել է նաև ատրճանակ, իսկ ավտոմեքենայից դուրս համայնքային ոստիկանները հայտնաբերել են կրակված գնդակ։
Ըստ նախնական տեղեկությունների՝ տղամարդը ավտոմեքենայի մեջ ատրճանակով ինքնասպան է եղել։
Hayeli.am-ի բացառիկ տեղեկությունների համաձայն մահացած անձը գործարար բիզնեսմեն Կարեն Գասպարյանն է՝ հայտնի որպես Բրավոյի Կարեն: Մեր աղբյուրի փոխանցմամբ՝ Կարեն Գասպարյանը վերջերս խնդիրներ է ունեցել ՔՊ անդամ Հայկ Սարգսյանի՝ «Շիշ բռնողի» հետ, վերջինս ցանկացել է նրանից խլել պաստառների գովազդների հետ կապված բիզնեսը, ինչպես նաև նրանք եղել են դատական քաշքշուկների մեջ։
Լուրեր են շրջանառվում նաև, որ վերջին ամիսներին Կարեն Գասպարյանը հաճախ է բողոքել ներկայիս իշխանություններից, նշելով, որ վերջիններս ցանկանում են իրենց խլել իր բիզնեսները։
