Башҡортостан Хөкүмәте Премьер-министры Андрей Назаров үткәргән Хөкүмәттең аҙналыҡ кәңәшмәһендә, онкология хеҙмәте эшмәкәрлеге һөҙөмтәләре тикшерелде. Бөтә донъяла үлем структураһында йөрәк-ҡан тамырҙары ауырыуҙарынан ҡала яман шештәр алдынғы урындарҙы биләй. – Беҙ был сир менән системалы көрәшәбеҙ. Онкологик үлем кимәле түбәнәйә: 2015 йылда 100 мең кешегә 160,2-нән 2024 йылда 156,8-гә тиклем. Һәр икенсе яман шеш осрағы сирҙең иртә стадияһында асыҡлана. Бында “Онкология ауырыуҙары менән көрәш” төбәк программаһы сиктәрендә ҙур эш башҡарылған. Финанслау күләме 5 миллиард һум самаһы тәшкил итте, – тип билдәләне Андрей Назаров. 400-ҙән ашыу берәмек ҡорамал, шул иҫәптән компьютер һәм магнит-резонанс томографтары, шулай уҡ һыҙыҡлы тиҙләткес һатып алынған. Сменаһына 450 кеше ҡабул итерлек поликлиника һәм 300-гә яҡын урынға иҫәпләнгән алты хирургия бүлеге менән яңы онкология диспансеры корпусы төҙөлә. Былтыр Өфөлә иң заманса стандарттарға тап килгән 92 койка-урынға иҫәпләнгән республика балалар