Балыкчы-Барскоон-Каракол жолунун курулушу 140 км узундукта жүрүүдө. 60 км асфальт төшөлгөн, 5 көпүрө бүттү. Коопсуздукка өзгөчө көңүл бурулуп, эки деңгээлдүү жол айрыгы жана 4 км дренаж каналы курулду.
🛣 Балыкчы-Барскоон-Каракол жолунун курулушу 140 км аралыкты камтыйт.
🏗 Жолдун курулушуна төрт подряддык компания катышууда. Азыркы учурда 60 км жолго биринчи катмар асфальт-бетон төшөлгөн, ал эми 30 км жолго экинчи катмар толук төшөлгөн.
🌉 Сел агымдарын өткөрүү үчүн түтүк жана көпүрөлөрдүн курулушу активдүү жүргүзүлүүдө. Долбоордун алкагында пландалган беш көпүрөнүн курулушу толугу менен аяктаган.
🚦 Коопсуздукка өзгөчө көңүл бурулууда. Балыкчы-Кочкор темир жол линиясы менен кесилишкен 5 км жолдо эки деңгээлдүү жол айрыгы долбоорлонгон. Бул үчүн темир конструкциялардан өтмө жол курулуп, темир жолдун унаа жолунун астынан өтүшүнө мүмкүнчүлүк түзүлгөн.
🌊 Саздуу жерлерди кургатуу жана дренаж үчүн 4 км узундуктагы канал салынган.