Алғы һыҙыҡтағы яугирҙәребеҙҙең ғүмерен һаҡлау өсөн маскировкалау селтәрҙәре бик кәрәк. Бер беҙ генә түгел, бөтә Рәсәй селтәр үрә, егеттәребеҙгә именлек теләй. Барыбыҙ ҙа уларҙың йорттарына, ғаиләләренә иҫән-аман әйләнеп ҡайтыуын көтәбеҙ. Селтәр үреүҙә иң әүҙемдәр,әлбиттә, “көмөш” йәштәге ирекмәндәр, кеше, ил яҙмышына битараф булмаған ауылдаштар, хеҙмәт коллективтары, изге күңелле ябай кешеләр. Кемдәр, буш ваҡыт табып, Шайморатов штабтарына һәм уларҙың филиалдарына ярҙам итергә килә, барыһына ла рәхмәтлебеҙ.Берҙәмлектә – көс! Селтәр менән бергә беҙ көтөп алған Еңеүҙе лә үрәбеҙ, яҡынлаштырабыҙ. Баҡалы районындағы М.М.Шайморатов исемендәге штаб ағзалары бөгөн дә эш өҫтөндә. Фото: “Бакалинские зори” гәзите.