Электр энергетикаһы инфраструктураһы үҫешенә 9,5 миллиард һум йүнәлтеләсәк

Премьер-министры Андрей Назаров рәйеслегендәге Башҡортостан Республикаһы Хөкүмәте ултырышында беренсе ярты йыллыҡ йомғаҡтары һәм 2025 йылдың аҙағына тиклемге бурыстар буйынса сәнәғәт, энергетика һәм сауҙа эшенең йомғаҡтары тикшерелде. Башҡортостан Республикаһы Хөкүмәте Премьер-министры урынбаҫары – сәнәғәт, энергетика һәм инновациялар министры Александр Шельдяев үҙенең сығышында 2025 йылдың тәүге алты айында республикала сәнәғәт производствоһы индексының уҙған йылдың тәүге ярты йыллығына ҡарата 97,5 процент тәшкил итеүе хаҡында һөйләне. Тейәп оҙатылған продукция күләме 1 318,4 миллиард һум тәшкил итә. Александр Шельдяев шулай уҡ, быйыл төрлө кимәлдәге бюджеттан сәнәғәткә дәүләт ярҙамы бер миллиард һумдан ашыу суммаға ҡаралған, тип өҫтәне. Башҡортостан Республикаһының сәнәғәтте үҫтереү фонды тәүге ярты йыллыҡта һигеҙ проектты финансланы, ә улар буйынса инвестицияларҙың дөйөм суммаһы 1,8 миллиард һум тәшкил итә. Рәсәй Сәнәғәт һәм сауҙа министрлығы башланғысы менән быйыл 2025-2027 йылдарға республиканың Сәнәғәт ҡеүәтен үҫтереүгә йүнәлтелгән саралар планы раҫланды. Республиканың электр энергетикаһы инфраструктураһын үҫтереү электр энергетикаһы субъекттарының инвестиция программалары нигеҙендә алып барыла. Уҙған биш йылда инвестициялар күләме бында 32 миллиард һумдан ашҡан, - тип иҫкә төшөрҙө Александр Шельдяев. - Ағымдағы йылда инвестициялар күләме 9,5 миллиард һум кимәлендә планлаштырыла. КОММод федераль программаһы сиктәрендә «Башҡортостан генерациялау компанияһы» яуаплылығы сикләнгән йәмғиәте тарафынан энергетика объекттарын модернизациялау һәм «Башкирэнерго» яуаплылығы сикләнгән йәмғиәтенең ярҙамсы станцияларын реконструкциялау һәм төҙөү алып барыла. Шулай уҡ Александр Шельдяев иҡтисад эшмәкәрлегенең ҡулланыусылар баҙары өлкәһе тураһында хәбәр итте. - 2025 йылдың 6 айы йомғаҡтары буйынса Башҡортостан Республикаһында ҡулланыусылар хаҡтары индексы 103,9 процент тәшкил итте (2024 йылдың декабренә, ете айҙа - 104,6%), Дөйөм алғанда, Рәсәй буйынса – 103,8%, - тип билдәләне спикер. - Ағымдағы йылдың ярты йыллығы йомғаҡтары буйынса Башҡортостан Республикаһының ваҡлап һәм күмәртәләп һатыу әйләнеше 1,5 триллион һумдан ашыу тәшкил итте. Мәсьәләне тикшереүҙе тамамлап, Андрей Назаров сәнәғәт производствоһы күләмдәрен үҫтереү өсөн яңы терәк нөктәләр булдырырға, предприятиеларҙы технологик лидерлыҡтың милли проекттарын тормошҡа ашырыуға йәлеп итеүҙе тәьмин итергә һәм юл буйы сервисы һәм логистик инфраструктура өлкәһендә инвестиция проекттарын тормошҡа ашырыу буйынса маҡсатлы күрһәткестәрҙе һаҡларға ҡушты. Сығанаҡ: https://pravitelstvorb.ru/news/27382/