Артем Горный: “Армия мәҙәниәте көндәре күләме менән хайран итте”

Фестивалдә Рәсәй Оборона министрлығының мәҙәниәт департаменты директоры Артем Горный ҡатнашты. Ҙур ҡунаҡ Армия мәҙәниәте көндәренән алған тәьҫораттары менән уртаҡлашты һәм проекттың әһәмиәтен баһаланы. - Был фестиваль - төбәктәргә армияла мәҙәниәттең нисек йәшәүен күрһәтеү мөмкинлеге. Бынан алда проект Тывала, Тула өлкәһендә, Санкт-Петербургта һәм Яҡутияла тормошҡа ашырылды. Шуға күрә бында, Башҡортостанда, биш йыллыҡ юбилейыбыҙ. Сараларҙың бығаса булмаған күләмен билдәләргә теләйем. Бик күп концерттар, ижади осрашыуҙар, күргәҙмәләр, оҫталыҡ дәрестәре. Беҙ сығышты ойоштороуға һәм фронт ижади бригадаларынан артистарҙың килеүенә шатбыҙ. Улар махсус хәрби операция яланында лайыҡлы хеҙмәт итә, яугирҙәргә ярҙам итә, батырлыҡтарға илһам бирә. Барыһы ла юғары кимәлдә ойошторолған. Шулай итеп, мәҙәниәт - илебеҙҙең, бөйөк милләттең, Рәсәйҙә йәшәгән бөйөк халыҡтарҙың төп нигеҙе, - тине Артем Владимирович. Оборона министрлығы вәкиле, Ватанды һаҡлаусылар йылында һәм Еңеүҙең 80 йыллығында Армия мәҙәниәте көндәрен үткәреү айырыуса символик, тип һыҙыҡ өҫтөнә алды. - Һәр ғаиләнең үҙ тарихы - 80 йыл элек был алышты ҡабул иткән һәм еңгән ата-бабалары, олатай-өләсәйҙәре тарихы! - тип дауам итте Артем Горный. - Минең ғаиләлә - минең олатайым Артем Григорьевич Горныйҙың тарихы. Ул һуғышты башынан аҙағынаса үтә, Ҡырымды, Севастополде һаҡлауҙа ҡатнаша, Венгрияны һәм Чехословакияны, Чехияны азат итә. Хәҙер МХО-ла геройҙар тыуа, буласаҡ ейәндәре һәм бүләләре уларҙың батырлыҡтарын иҫкә төшөрәсәк. Фото: фестивалдең матбуғат үҙәгенән.