Министрлер кабинети Тышкы иштер министрлигинин алдында «Е-Дипломат» мамлекеттик мекемесин түзүү тууралуу токтом кабыл алды. Бул мекеме дипломатиялык кызматтардын ишин уюштуруп, санариптик инфраструктураны өнүктүрөт.
🌐 Кыргыз Республикасынын Министрлер кабинети Тышкы иштер министрлигинин алдында “Е-Дипломат” мамлекеттик мекемесин түзүү жөнүндө токтом кабыл алды.
📄 Бул токтом Кыргыз Республикасынын Президентинин 2025-жылдын 19-июнундагы “Тышкы иштер министрлигинин алдында “Е-Дипломат” мамлекеттик мекемесин түзүү жөнүндө” Жарлыгын ишке ашыруу максатында даярдалды.
👥 Токтом менен Тышкы иштер министрлигинин алдында “Е-Дипломат” мамлекеттик мекемесинин жобосу жана мамлекеттик мекеменин штаттык саны бекитилди.
💻 Мекеме Кыргыз Республикасынын дипломатиялык кызмат органдарынын ишмердүүлүгүн уюштуруу-техникалык жактан коштоп, санариптик инфраструктураны жана маалыматтык системаларды иштетүүнү, өнүктүрүүнү камсыз кылат.