Премьер-министр Андрей Назаров етәкселегендәге Башҡортостан Хөкүмәте ултырышында 2025 йылдың тәүге ярты йыллығында республиканың социаль-иҡтисади үҫешенә йомғаҡ яһалды, шул иҫәптән тәбиғәтте һаҡлау өлкәһендә ыңғай динамика билдәләнде. – Ҡаты коммуналь ҡалдыҡтар менән эш итеү мәсьәләләренә айырыуса иғтибар бүленә. Ҡалдыҡтарҙы эшкәртеү кимәле 46 процент тәшкил итә, был күрһәткесте икеләтә арттырыу маҡсаты ҡуйыла. “Экологик именлек” милли проектының “Ябыҡ цикллы иҡтисад” федераль проектын тормошҡа ашырыу сиктәрендә экологик хәлде яҡшыртыу һәм тәбиғәт ресурстарын рациональ файҙаланыу буйынса әүҙем эш алып барыла, – тип билдәләне Андрей Назаров. Хөкүмәт Премьер-министры урынбаҫары – ауыл хужалығы министры Илшат Фәзрахманов ҡаты коммуналь ҡалдыҡтар менән эш итеү өлкәһе тураһында ентекле һөйләне. 2025 йылдың июнь айына ҡарата республикала ҡаты коммуналь ҡалдыҡтар туплау майҙансыҡтарының 100 проценты төҙөкләндерелгән, 90 мең контейнер ҡуйылған. Йыл аҙағына тиклем тағы ла 200 яңы майҙансыҡ һәм