Тайфун «Каджики» Вьетнамга олуттуу зыян келтирди: 3 адам каза болуп, 10 адам жаракат алды. 7 миң үй жана 28 миң гектар күрүч талаалары жабыркады, 5 провинцияда электр жарыгы өчтү.
🌪️ Тайфун «Каджики» Вьетнамга олуттуу зыян келтирди.
🌀 Кеминде үч адам каза болуп, он адам жаракат алды.
🏠 Жети миңге жакын үй зыянга учурап, 28 миң гектардан ашуун күрүч талаалары суу алдында калды.
🌳 Мыңдаган дарактар кулап, үч жүздөн ашуун электр мамычалары талкаланды, бул беш провинцияда электр жарыгынын өчүшүнө алып келди.
🚗 Ханой шаарында көчөлөр суу алдында калып, унаалардын кыймылы токтоп калды.
🌧️ Улуттук метеорология агенттиги жаан-чачындын уланаарын, бул түндүк Вьетнамдын айрым аймактарында капысынан болгон сел жана жер көчкүлөргө алып келиши мүмкүн экенин эскертти.
✈️ Өкмөт 325 миңден ашуун адамды эвакуациялап, бир нече аэропорттун ишин токтотту.
🏝️ Тайфундун кесепетинен Кытайдын Хайнань провинциясынан 20 миңден ашуун адам эвакуацияланды.
🌍 Тайфун Лаоско өтүп, ал жакта тропикалык бороонго айланды, бирок жабыркагандар жана зыян тууралуу маалымат жок. Стихия Таиландга да таасир этиши мүмкүн.