Кыргызстан мектептеринде быйыл 1,5 миллиондон ашуун бала билим алат. 12 жылдык билим берүү системасына өтүү жана жаңы стандарттар киргизилди. 30 миңден ашуун мугалим жаңы стандарттар боюнча окутулду. 2025-жылы 1 222 бүтүрүүчү мектепте ишин баштайт.
📚 Кыргызстандагы мектептерде бул окуу жылында 1,5 миллиондон ашуун окуучу билим алат.
🏫 Өлкөдөгү 2 394 мектептин 224ү жеке менчик болуп саналат, аларда 93 миңден ашуун мугалим эмгектенет.
📘 “Алтын Казык” программасынын алкагында мектептерде 12 жылдык билим берүүгө өтүү башталды. Бул жаңы мамлекеттик жана предметтик билим берүү стандарттарын иштеп чыгууну жана кыргыз, орус, өзбек жана тажик тилдеринде окуу программаларын түзүүнү камтыйт.
👩🏫 Жай айларында мугалимдер жаңы стандарттар жана окуу китептери боюнча тренингдерден өтүштү. Июль-август айларында 18 миңге жакын, жыл башынан бери 30 миңден ашуун мугалим окутулду.
👶 “Наристе” программасы менен иштеген 3 миңге жакын педагог башталгыч класстарда толук кандуу сабак бере баштайт. Бул мугалимдерге болгон муктаждыкты канааттандырып, мектепке чейинки билим берүү тармагынан башталгыч билим берүү тармагына кадрларды өткөрүүгө жардам берет.
🎓 2025-жылы Кыргызстандын жогорку окуу жайларынын 1 222 бүтүрүүчүсү мектепте педагогикалык ишмердүүлүгүн баштайт.
💻 Республика боюнча мугалимдерге август айындагы педагогикалык жыйындардын алкагында 27 миңден ашуун “Алтын казык” ноутбуктары тапшырылууда. Жыл ичинде дагы ушунча ноутбук башка мугалимдерге берилет.