Бишкек шаарынын мэри Айбек Жунушалиев кыргызстандык сууда сүзүүчү Денис Петрашов жана анын машыктыруучусу Евгений Петрашов менен жолугушуп, спортчунун эл аралык аренадагы жетишкендиктерин белгилеп, машыктыруучуга ыраазычылык билдирди. Дениске мэрия тарабынан баалуу белек катары аттуу саат тапшырылды.
🏊♂️ Бишкек шаарынын мэри Айбек Жунушалиев кыргызстандык пловец Денис Петрашов жана анын машыктыруучусу Евгений Петрашов менен жолугушту. Мэр спортчуну эл аралык аренадагы жетишкендиктери менен куттуктап, спорттук карьерасында жаңы ийгиликтерди каалап, чемпионду даярдоодо көрсөткөн кесипкөйлүгү үчүн машыктыруучуга ыраазычылык билдирди.
🏆 Шаар үчүн ушундай спортчулардын болушу маанилүү. Бүгүнкү күндө мэрия спорттук инфраструктураны өнүктүрүүгө чоң күч-аракет жумшап жатат. Мэрия жаш таланттарды колдоо жана өстүрүү үчүн зарыл шарттарды жана заманбап базаны түзүүгө багытталган.
📜 Евгений Петрашовдун эмгеги таанылып, Бишкек шаарынын мэриясынын Ардак грамотасы менен сыйланды.
🎁 Денис Петрашовго мэрия тарабынан ысым жазылган баалуу кол сааты белекке берилди.
🥉 Денис Петрашовдун акыркы жетишкендиктери: 2025-жылы Сингапурда өткөн дүйнө чемпионатында коло медаль, АКШнын Флорида штатында өткөн TYR Pro Swim Series мелдешинде үч алтын медаль, Сакраменто шаарында экинчи жолу АКШ чемпиону болуп алтын медаль, 2025-жылы Германияда өткөн Универсиадада алтын медаль.