Москвада 2025-жылдын 1-сентябрынан тартып, чет элдик жарандардын, анын ичинде кыргызстандыктардын, жайгашкан жерин эсепке алуу үчүн эксперименталдык режим киргизилет. Жарандар "Амина" мобилдик тиркемесин колдонуу менен өз дарегин каттап, өзгөрүүлөрдү билдире алышат.
📱 Москва жана Москва облусунда жаңы эксперименталдык режим киргизилип, ал 2025-жылдын 1-сентябрынан баштап чет өлкөлүк жарандардын, анын ичинде кыргызстандыктардын, жайгашкан жерин каттоо процессин өзгөртөт.
📲 Ишке орношуу максатында келген чет өлкөлүк жарандарга «Амина» аттуу атайын мобилдик тиркемени орнотуу талап кылынат. Бул тиркеме аркылуу жарандар Москвадагы Көп функциялуу миграциялык борбордо катталып, ички иштер органдарына жашаган жерин онлайн кабарлай алышат.
🌐 Жашаган жерин алмаштырган учурда, чет өлкөлүк жаран мобилдик тиркеменин интерфейси аркылуу өзгөртүүлөрдү киргизиши керек. Тиркемени орнотуу «RuStore» аркылуу өз алдынча жүргүзүлөт жана ММЦ Сахарово же Россиянын ИИМ органдарына баруунун кажети жок.
🛂 Авторизация үчүн чет өлкөлүк жарандар жарактуу картага ээ болушу керек, аны алуу үчүн ММЦ Сахарового кайрылуу зарыл. Картаны жоготуп алганда, паспорттук маалыматтар менен авторизациядан өтсө болот.
📍 Мобилдик тиркеме геолокация тууралуу маалыматтарды Россиянын ИИМине жөнөтүп турат. Эгерде геолокация маалыматы бир нече күн берилбесе, жаранга жашаган жерин тастыктоо же өзгөртүү тууралуу билдирүү келет. Бул үчүн ички иштер органдарына же ММЦ Сахарового баруунун кажети жок.
📅 Эгерде үч күндөн ашык убакытка геолокация маалыматы берилбесе, жаран ММЦ Сахарово дареги боюнча каттоодон чыгарылат.
⚠️ Эксперименттин шарттарын бузуу чет өлкөлүк жаранды Контролдонуучу адамдардын реестринде каттоого негиз болушу мүмкүн. Кыргызстандын жарандарын Россиянын миграция мыйзамдарын бузбоо үчүн жаңы эрежелер менен алдын ала таанышууга чакырабыз.