Кыргызстанга Ислам Эмираты Афганистандын делегациясы келди. Жолугушууда соода жана экономика жаатында кызматташууну кеңейтүү максатында соода үйлөрүн ачуу жана кызматташуу боюнча жол картасы жана меморандум түзүлдү.
🇰🇬 Кыргызстандын экономика жана коммерция министри Бакыт Сыдыковдун чакыруусу менен Афганистандын Ислам Эмиратынан делегация Ноуреддин Азизинин жетекчилиги астында Кыргызстанга келди.
🤝 Жолугушууда кыргыз тарап эки тараптуу кызматташууну активдештирүү жана тереңдетүү боюнча маанилүү кадамдар жасалып жатканын белгиледи.
💼 Кыргызстандын экономикадагы реформалары жана соода мүмкүнчүлүктөрү тууралуу маалымат берилди, ошондой эле жаңы кызматташуу багыттарын табууга кызыкдар экендиги айтылды.
💻 Цифралаштырууга өзгөчө көңүл бурулуп, кыргыз тарап афган өнөктөштөрү менен тажрыйба бөлүшүүгө даяр экенин билдирди.
📈 Ноуреддин Азизи эки тараптуу соода-экономикалык жана инвестициялык кызматташууну кеңейтүү мүмкүнчүлүктөрүн белгиледи.
🏢 Эки өлкөдө соода үйлөрүн ачуу боюнча макулдашылды.
📝 Жолугушуунун жыйынтыгында кызматташтыкты өнүктүрүү боюнча Жол картасы жана соода-экономикалык кызматташуу боюнча Өз ара түшүнүшүү меморандуму кол коюлду.