Китеп сүйүүчүлөр күнүндө Бишкектеги "Раритет" дүкөнү ар түрдүү окурмандарды тосуп алды: жаштардан улгайгандарга чейин. Балдар классикалык жомокторду, комикстерди тандаса, өспүрүмдөр фэнтези жана фантастикага кызыгышат. Кыргыз тилиндеги китептерден Чынгыз Айтматовдун чыгармалары эң популярдуу.
📚 Книголюбдардын эл аралык күнүндө, 9-августта, Бишкектеги эң чоң китеп дүкөнү “Раритет” ар кандай курактагы окурмандардын китеп тандоолору тууралуу маалымат берди. Окурмандардын арасында классикалык жана заманбап адабиятка, анын ичинде фэнтези, фантастика жана комикстерге суроо-талап жогору.
👶 Балдар адабияты окурмандын жашына жараша тандалат. Мектепке чейинки жана башталгыч класстын балдары үчүн ата-энелер классикалык чыгармаларды жана сүрөттөрү бар китептерди сатып алып, алардын китеп окууга болгон кызыгуусун арттырууга аракет кылышат. Балдар көбүнчө жомокторду жана комикстерди тандашат, ал эми Джоан Роулингдин “Гарри Поттер” сериясы дале популярдуу бойдон калууда.
🎥 Заманбап кинематография да китеп тандоого таасир этүүдө. Мисалы, “Чебурашка” фильминин чыгышы бул темадагы китептерге жана боёкторго суроо-талапты жогорулаткан.
📖 Жаштар арасында буктокерлер жана социалдык тармактардагы китеп блогерлери чоң роль ойнойт. Популярдуу блогерлердин сын-пикирлеринен кийин белгилүү бир жанрдагы китептер тез сатылып кетет. Жаштар заманбап адабиятка, айрыкча фэнтези жана фантастикага кызыгышат, “Властелин колец” сыяктуу чыгармалар фаворит бойдон калууда.
📚 Кыргыз тилиндеги адабияттар арасында Чынгыз Айтматовдун чыгармалары эң көп суроо-талапка ээ. “Жамийла” жана “Биринчи мугалим” чыгармалары өзгөчө популярдуу. Ошондой эле, Тологон Касымбековдун “Сынган кылыч” романы жана “Манас” эпосу да көп сатылууда, аларды үй китепканасын толуктоо жана белек катары сатып алышат.