«Ինչով է բացատրվում Իրանի վերջին երկու օրերի հակասական հայտարարությունները:
Նախ Իրանի հոգևոր առաջնորդի խորհրդականի և Իրանի գործադիր պաշտոնատարների, այդ թվում նախագահի ու ԱԳ նախարարի հայտարարությունների միջից ամենայն հարգանքով ես հիմք կընդունեմ առաջինին, քանի որ Իրանի արտաքին քաղաքականությունը որոշվում է ոչ թե Իրանի կառավարության կողմից այլ շատ ավելի բարձր մակարդակում:
Երկրորդ, նախնական ոգևորությունից ու մտահոգությունից հետո, Իրանը շատ շուտ եկավ այն եզրակացության, որի մասին ես գրեցի հռչակագրի ստորագրումից անմիջապես հետո: TRIPP-ը գոնե նման ձևաչափով երբեք իրականություն չի դառնալու: Հռչակագիրը պետք էր Թրամփին շոու անելու համար, նիկոլին՝ հերթական (կամ ավելի հավանական է արտահերթ) ընտրություններից առաջ ձեռքին թղթի կտոր ունենալու համար, իսկ ադրբեջանին՝ ԵԱՀԿ-ի Մինսկի խմբի լուծարման և 907-րդ բանաձևի չեղարկման համար: Դրանցից որևէ մեկի կապակցությամբ Իրանն այս պահին հետաքրքրություն չունի: Հետևաբար կարիք չկա Իրանի պետական-գործադիր մակարդակում հնչեցնել այնպիսի դիրքորոշումներ, որոնց կարիքն ընդհանրապես չի զգացվելու: Իրանն իր խոսքն ասել է: Ռուսաստանի կամ առանց Ռուսաստանի օգնության Հայաստանով ոչ մի TRIPP էլ չի լինելու:»
Ռոբերտ Մարգարյան
