Башҡортостан Башлығы Радий Хәбиров Стәрлетамаҡта дауаханала Башҡортостан сода компанияһы заводында шартлауҙан зыян күреүселәрҙе ҡараны. Стәрлетамаҡта “Башҡортостан сода компанияһы” акционерҙар йәмғиәтенең ”Каустик” етештереү майҙансығындағы шартлау буйынса Башҡортостан Башлығы Радий Хәбировтың аңлатмаһы: “БСК-ла етди ғәҙәттән тыш хәл булды. Хәҙер беҙ бөтәһе буйынса тиерлек ҡарар ҡабул иттек. Зыян күреүселәрҙең бер өлөшөн Өфөгә – Республика тән бешеү үҙәгенә һәм башҡа учреждениеларға алып китәләр. Беҙҙең бурыс - һәр береһенең ғүмерен һаҡлап ҡалыу. Реанимацияла бөтәһе ете кеше ята. Барыһы ла яҡшы булыр, һәм улар тиҙ һауығыр, тип өмөтләнәм”.