Александр Жирков: Россия Федерациятын норуоттарын
тыллара тэҥҥэ сайдыахтаахтар
Ил Түмэн Бэрэссэдээтэлин бастакы солбуйааччы Александр Жирков Россияҕа тыл бэлиитикэтигэр саҥа уларыйыылар тустарынан сүбэ мунньах тэрийдэ.
Биллэрин курдук, бу от ыйын 11 күнүгэр Владимир Путин «Россия Федерациятын тылын судаарыстыбаннай бэлиитикэтин Төрүттэрин бигэргэтии туһунан» диэн ааттаах Ыйааҕа таҕыста.
“Бу Ыйаах инникитин балайда өр кэм устатыгар Россия Федерациятын тылга бэлиитикэтин сүрүннүөҕэ”, - диэтэ мунньаҕы аһарыгар Александр Николаевич. – Онон биһиги өрөспүүбүлүкэбитигэр саҥа Ыйаахха олоҕуран нуучча тылын сэргэ олохтоох омуктар тылларын харыстаһар, үөрэтэр хайысхалары тобулуохтаахпыт, олохсута сатыахтаахпыт”.
С. Васильев.
