Башҡортостанда инклюзив балалар хәрби-патриотик лагерының тәүге сменаһы башланды. “Патриот” паркында “Берҙәм сафта” төбәк-ара инклюзив балалар хәрби-патриотик лагеры старт алды. Проект - Рәсәй Федерацияһы Президенты гранттары конкурсында еңеүсе. Илдең туғыҙ төбәгенән 113 бала бында бай программа үтәсәк . Лагерь ишетеү һәләте боҙолған балалар өсөн. Балалар менән вожатыйҙар – Бөтә Рәсәй һаңғырауҙар йәмғиәтенең йәш активистары, ишара телен белгән ирекмәндәр һәм профессиональ тәржемәселәр эшләй. Ошоноң арҡаһында һәр бала үҙен команданың бер өлөшө итеп тоя һәм үҙенең һәләттәрен аса ала. - Бындай кәрәкле башланғыс өсөн Башҡортостан Республикаһының Бөтә Рәсәй һаңғырауҙар йәмғиәтенә рәхмәт. Смена сағыу, ҡыҙыҡлы һәм ысын патриотик рухта үтер, тип ышанам, - тип билдәләне Башҡортостан Республикаһы Хөкүмәте Премьер-министры урынбаҫары - спорт министры Руслан Хәбибов. Лагерҙа смена ике аҙнаға иҫәпләнгән: 5 августан 18 авгусҡа тиклем. Программала - хәрби-патриотик уйындар, спорт ярыштары, ижади оҫта