Магнитогорск ҡалаһы һәм Баймаҡ районы чаттарында Аяз исемле ир-егеткә ярҙам кәрәклеге тураһында иғлан таралды. Ул үҙенең кем, ҡайҙан булыуын иҫләмәй. Исеменең Аяз булыуын, Баймаҡтан икәнен һәм ҡаҙаҡ яҡтарынан ҡайтып барыуын ғына әйтә алған. "Ярҙам кәрәк! Кеше өйөнә ҡайта алмай. Насар, аңлайышһыҙ һөйләшә, документтары һәм телефоны юҡ. Бәлки кемдер эҙләйҙер. Бөгөн ашханаға инеп, ашатыуыбыҙҙы һораны. Ашаттыҡ. Ҡаҙаҡ яҡтарынан ҡасып ҡайтып барыуы, улар уны алдауы тураһында әйтте", - тип хәбәр ителә Магнитогорск ҡалаһы чатында. Бәлки, Аязды таныусылар булыр. Туғандарына хәбәр итһәгеҙ ине. Фото: социаль селтәрҙәге чаттан.