Маринадланă хăярпа помидор
Банкăсемпе хупкăçсене стерилизацилемелле. Банкăна малтан хăяра тăрăх хумалла, ун çине – помидор. Специсем хушмалла. Çиелтен тин вӗренӗ маринад ямалла, 1 чей кашăкӗ уксус хушмалла та хупламалла. Банкăсене хулăн япалапа витсе сивӗниччен тытмалла, кайран сулхăн çӗрте упрамалла.
Хăяр, помидор; специсем 1,5 литрлă банка пуçне – 10 пӗрчӗ пăрçа йышши хура пăрăç, 8 штук гвоздика, 3-4 пӗрчӗ техӗмлӗ (душистый) пăрăç, 2 пысăк е 4 пӗчӗк лавр çулçи, 1 шăл ыхра, 1 зонтиклă укроп тата 70% уксус; маринад валли – 1 л шыв пуçне 50 г тăвар, 50 г сахăр песокӗ кирлӗ.
