Радий Хәбиров республика төҙөүселәрен һөнәри байрамы менән ҡотланы

Бөгөн, 7 августа, "Торатау" конгресс-холында Башҡортостан Башлығы Радий Хәбиров Төҙөүселәр көнөнә арналған тантаналы йыйылышта ҡаттнашты. Төбәк етәксеһе тармаҡ хеҙмәткәрҙәрен һәм ветерандарын һөнәри байрамдары менән ҡотланы һәм дәүләт наградалары тапшырҙы. -Башҡортостанда һуңғы алты йылда дөйөм 53 мең уҡыусы һыйҙырышлы мәктәптәр, балалар баҡсалары, 5 мең урынлыҡ дауаханалар, сменаһына 9 мең кешене ҡабул итерлек поликлиникалар һәм башҡа йөҙләгән мөһим объекттар ҡалҡып сыҡты. Үҫешкән инфраструктуралы - спорт майҙансыҡтары, скверҙары һәм парктары булған - заманса торлаҡ комплекстары төҙөнөләр, - тип билдәләне Радий Хәбиров. Төбәк етәксеһе Башҡортостанда төҙөлөш комплексының әүҙем үҫешеүе тураһында билдәләне. – Беҙҙең бурыс - темптарҙы һаҡлап ҡалыу ғына түгел, киләсәккә яҡшы нигеҙҙәр булдырыу ҙа. Республиканың ҡала төҙөлөшө потенциалы бөгөн 6 миллион квадрат метрҙан ашыу торлаҡ тәшкил итә. Коммуналь инфраструктуралы яңы майҙансыҡтар әҙерләргә кәрәк, - тине Радий Хәбиров. Башҡортостан Башлығы төҙөүселәргә Рәсәйҙең яңы төбәктәрендә йәшәүселәргә, махсус хәрби операцияла ҡатнашыусыларға һәм уларҙың ғаилә ағзаларына ярҙам күрһәткәндәре өсөн рәхмәт белдерҙе. Сараның тантаналы өлөшөн республиканың ижади коллективтары ҡатнашлығында байрам концерты дауам итте. Мәғлүмәт һәм фото: https://glavarb.ru/ru/news/event/radiy-habirov-pozdravil-stroiteley-respubliki-s-professionalnym-prazdnikom-80885/