Кыргыз Республикасынын мамлекеттик гимнинин жаңы редакциясынын текстин жана музыкасын тандоо боюнча конкурстун экинчи этабына катышууга чакыруу жарыяланды. Катышуучулар 8-сентябрга чейин арыздарын тапшыра алышат.
🎵 Кыргызстандын мамлекеттик гимнинин жаңы редакциясынын текстин жана музыкасын тандоо боюнча конкурс өткөрүлүүдө.
📅 6-августта Марат Иманкулов композиторлор жана музыка ишмерлери менен жолугушту, анда конкурстун биринчи этабынын жыйынтыгы менен тандалып алынган 5 мыкты долбоорго музыкалык чыгарма жаратуу боюнча маалымат берилди.
👥 Конкурска композиторлор, музыканттар, ырчылар, музыкалык чыгармачыл топтор, студиялар, союздар жана башка уюмдар 5 кишиден ашпаган курамда катыша алышат.
📄 Катышуу үчүн арызга музыкалык чыгарманы видеого же аудиого жазылган түрдө, вокалдык жана инструменталдык вариантта аткаруу, ноталык жазуу, текст жана авторлордун жеке маалыматтарын иштетүүгө макулдук кошулат.
📬 Конкурс материалдары 2025-жылдын 8-сентябрына чейин Бишкек шаары, Пушкин көчөсү, 78 дарегине же электрондук почта аркылуу жөнөтүлүшү керек.