🗣Намда, минии досоо Владимир Петонов Автор уншана Намда, минии досоо – нашан түрөө, бүргэдэй хараса носоо, үбгэдэй юрөөл хүрөө. Намда, минии досоо – наран жаргаа, һapа һapгаа, һайхан бодол задараа ошоор. Намда, минии досоо – найдал логшоо, баатарай зориг мүндэлөө, баян жаргал мүнхэжөө. Намда, минии досоо – булжамуур жэргээ, хүхы донгодоо, хүбшэ тайга ногоороо. Намда, минии досоо – нялхын бархираан, хөөхэйн хашхараан, хүүхэнэй миһэрэл зошлоо. Намда, минии досоо – набша сэсэгэй дохёон, далайн долгилоон, һэбшээнэй шэбэнээн. Намда, минии досоо - найдагты, нүхэд, одоо хара һанаа олохогүйт, юрэдөө! Шабар дотор байхагүй, могойн эреэн зайхагүй, бухын эбэр байхагүй, хорхойн хотироон байхагүй, шонын һоёо байхагүй – намда, минии досоо! 1977 «Буряад ФМ» гэһэн радиосубагай ба «Соел» сайтын «МИНДАҺААР ДАМЖАҺАН ДУУНУУД – МЕЛОДИИ СТАРЫХ ПЛАСТИНОК» гэһэн түсэл. #soyol