Командир яҡташтарының ышанысын аҡлай

Архангел районы хакимиәте адресына ғәскәр часы командирынан яҡташтары, махсус хәрби операцияла ҡатнашыусы “Мороз” позывнойлы яугирҙең хәрби батырлыҡтары тураһында хат килгән. Яугир 2022 йылдың мартынан контракт буйынса хеҙмәт итә, ул – мотоуҡсылар ротаһы командиры. 2025 йылдың март айында уның командованиеһындағы подразделение Донецк Халыҡ Республикаһы тораҡ пункттарының береһе ситендәге алғы позицияларҙа штурмлау буйынса хәрби бурысты үтәй. Штурм төркөмдәренең алға хәрәкәтләнеүе барышында разведка “Мороз”ға радиостанция буйынса дошмандың нығытылған терәк пункты булыуын хәбәр итә. Хәлде баһалағандан һуң, лейтенант дөрөҫ тактик ҡарар ҡабул итә: бар яҡтан да отошло һәм яҡланған рубеждарға күсә. Был уңайлы урындан дошмандың нығытмаларына артиллерия уты менән һөжүм итергә, аҙаҡ хәл иткес штурмға күтәрелергә мөмкин була. Разведка яһаусы пилотһыҙ осоу аппараттарынан күҙәтеп, командир радиостанция буйынса штурм төркөмдәренең маҡсаттарын һәм бурыстарын аныҡ итеп билдәләй. Дошман позицияларын көсһөҙләндергән ҡеүәтле артиллерия утынан һуң, подразделение әүҙем һөжүмгә күсә. Етеҙ һәм тәүәккәл штурм барышында, берҙәм эш итеп, “Мороз” командованиеһындағы штурм ротаһы оборонаны өҙә һәм дошмандың төп терәк пунктын яулап ала. Командирҙың сослоғо, грамоталы эш итеүе, ҡыйыулығы һөҙөмтәһендә хәрби бурыс аҙ юғалтыуҙар һәм юғары һөҙөмтә менән тулыһынса үтәлә. Яҡташтары “Мороз”дың Еңеүгә ҙур өлөш индереүе менән ысын күңелдән ғорурлана һәм уға, хеҙмәттәштәренә, яҡындарына һаулыҡ, именлек теләй. Архангел районы халҡы, туғандары яугирҙең өйөнә имен-аман әйләнеп ҡайтыуын көтә. Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, 122 йәки (347) 218-19-19-19 телефондары аша Ситуация үҙәгенә, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ. Башҡортостанда контракт буйынса хәрби хеҙмәткә саҡырыу дауам итә. Мобиль пункттар республиканың барлыҡ ҡала һәм райондарында эшләй. 2025 йылдың 5 июненән контрактниктарға бер тапҡыр бирелеүсе 1,4 миллион һум (бер миллион һумы– республиканан, 400 мең һумы– федераль бюджеттан) ҡаралған. Әгәр контракт Өфөлә төҙөлһә, дөйөм сумма (муниципаль түләүҙәр менән бергә) 1,7 миллион һум тәшкил итәсәк. Фото: “Инйәр” гәзите сайты.