Toshkent davlat tibbiyot universitetining Hindistonlik talabasi samolyotda parvoz vaqtida inson hayotini saqlab qoldi

Toshkent davlat tibbiyot universitetining Hindistonlik talabasi samolyotda parvoz vaqtida inson hayotini saqlab qoldi

2025-yil 28-iyul kuni Toshkent-Dehli yo'nalishidagi aviareysida parvoz vaqtida tobi qochgan yo'lovchiga Toshkent davlat tibbiyot universitetining Xalqaro fakultetida tahsil olaytogan Hindistonlik talaba Mohamed Anees birinchi tibbiy yordamni ko'rsatib, uning hayotini saqlab qoldi.

"Toshkentdan Dehliga uchayotganda samolyotda «Agar bortda shifokor yoki tibbiyot xodimi bo‘lsa, iltimos, ekipajga xabar bering» degan e’lon berildi. Shu payt men: «Ha, men shifokorman, yordam bera olaman», dedim. Bemor 48 yoshli ayol edi, u juda bezovta edi, qattiq xavotirga tushgan. Men bemorning hayotiy ko‘rsatkichlarini tekshirishganimda yurak urishi tezlashgani, ya'ni taxikardiya xuruji kechayotganini aniqladim. Darhol bemorga karotid massajini qilishga kirishdim va taxminan 10-15 soniyadan so‘ng u o‘zini yaxshiroq his qila boshladi. Samolyot Dehliga qo‘ngach bemorni shifokorlarga topshirdik" - deydi universitet talabasi.

Biz Mohamed Anees kabi ko'plab talabalarimiz va bitiruvchilarimiz Toshkent davlat tibbiyot universitetida olgan bilimlari tufayli butun dunyoda insonlarga tibbiy yordam ko'rsatayotganidan mamnunmiz.

https://youtu.be/LI_6dKWay98?si=9PIxm_Wy5Gw13tJJ