Бүткүл өлкө боюнча эпизоотикалык абалды көзөмөлдөө улантылууда. Жайлоодо малчылар менен жолугушуулар өткөрүлүп, ветеринардык колдоо көрсөтүлүүдө. Малдын ден соолугун сактоо жана санитардык коопсуздукту камсыз кылуу максатында түшүндүрүү иштери жүргүзүлөт.
🐄 Кыргызстанда жайыттардагы эпизоотикалык абалды көзөмөлдөө иштери уланууда.
🔍 Райондук ветеринардык башкармалыктардын кызматкерлери өлкө боюнча жайыттарда эпизоотикалык абалды тынымсыз көзөмөлдөп турушат. Жайлоолорго чыгып, малчылар менен жолугушуп, жайыттарды рационалдуу пайдалануу маселелерин талкуулашууда.
🚑 Фермерлерге ыңгайлуу болушу үчүн мобилдик ветеринардык дарыканалар уюштурулган. Бул алардын ветеринардык колдоого жеткиликтүүлүгүн камсыз кылат.
📊 Учурда аймактардагы эпизоотикалык абал туруктуу бойдон калууда, жаныбарлар арасында жугуштуу оорулардын белгилери аныкталган жок. Бул мониторингдин натыйжасында ветеринардык сабаттуулукту жогорулатууга багытталган түшүндүрүү иштери да жүргүзүлүүдө.
📚 Жаныбарлардын ден соолугун сактоо жана санитардык коопсуздукту камсыз кылуу үчүн оорулардын алдын алуу боюнча сунуштар берилет, санитардык нормаларды сактоо эрежелери эскертилет жана эпизоотикалык коопсуздукту камсыз кылуу чаралары түшүндүрүлөт.
🌱 Ветеринария, мал чарбасын өнүктүрүү, жайыттар жана тоюттар кызматы бул иш мал чарбачылыгынын туруктуу өнүгүүсү, жаныбарлардын ден соолугун сактоо жана жарандардын санитардык коопсуздугун камсыз кылуу максатында үзгүлтүксүз жүргүзүлөрүн баса белгилейт.