Саламаттыкты сактоо министрлиги онкологиялык кызматты реформалоо зарылдыгын белгилеп, анын ичинде 2026–2030-жылдарга стратегия иштеп чыгуу, санариптик чечимдерди киргизүү жана алдын алуу чараларын күчөтүү сыяктуу приоритеттерди сунуштады.
🩺 Кыргыз Республикасынын Саламаттыкты сактоо министрлиги 28-июлда онкология кызматын өнүктүрүү маселелери боюнча кеңейтилген коллегия жыйынын өткөрдү.
📉 Талкуу учурунда эскирген нормативдик база, керебеттердин жана жабдуулардын натыйжасыз колдонулушу, санариптештирүүнүн жетишсиздиги, профилактикалык иштердин начардыгы жана дарыгерлердин онконасторожендуулүгүнүн төмөндүгү сыяктуу негизги көйгөйлөр белгиленди.
🔄 Министр Эркин Чечейбаев реформалардын зарылдыгын баса белгиледи. Ал онкологиялык жардам эски ыкмалардын барымтасында калбашы керектигин айтып, ар бир бейтапка өз убагында, сапаттуу жана жеткиликтүү жардам көрсөтүү системасын түзүү милдети турганын белгиледи.
📅 Реформанын артыкчылыктуу багыттары катары 2026-2030-жылдарга онкологиялык кызматты өнүктүрүү стратегиясын иштеп чыгуу, эл аралык протоколдорду эске алуу менен нормативдик базаны кайра кароо, санариптик чечимдерди жана телемедициналык консилиумдарды киргизүү, бюджеттик негизде адистерди даярдоо, паллиативдик жардамды кеңейтүү, далилдүү медицина негизинде сатып алууларды аудит кылуу жана ПМСП деңгээлинде алдын алуу чараларын күчөтүү көрсөтүлдү.
👥 Министр ведомстволор аралык жана эксперттик топтордун ишин активдештирүүнү, чечимдердин ишке ашырылышын көзөмөлдөөнү жана дарылоо жыйынтыктарынын ачык мониторингин киргизүүнү тапшырды.
🌟 Онкология кызматын реформалоо “Дени сак адам — гүлдөгөн өлкө” мамлекеттик стратегиясынын бир бөлүгү болуп калат. Жыйынга президенттик администрациянын өкүлдөрү, коллегия мүчөлөрү, медициналык мекемелердин жетекчилери, Улуттук онкология жана гематология борборунун адистери, ошондой эле бейтаптар коомчулугунун өкүлдөрү катышты.