🌟 Абвешчаны поўны спіс намінантаў на літаратурную прэмію імя Ежы Гедройця. Сярод прэтэндэнтаў — гарадзенец і гарадзенка
Поўны пералік намінантаў на прэмію імя Ежы Гедройця апублікаваў партал bellit.info. Прэмія ўручаецца штогод за найлепшую кнігу прозы на беларускай мове. Сёлетняе ўзнагароджанне прымеркавана да 99-х угодкаў з дня нараджэння польскага інтэлектуала і ўраджэнца Мінска Ежы Гедройця, які называў сябе «апошнім грамадзянінам Вялікага Княства Літоўскага».
Сярод намінантаў гродзенцы — Вольга Вялічка з кнігай «Ад двух да пятнаццаці. Мая мама ў турме» (Gutenberg Publisher) і Мечыслаў Ян Супрон з кнігай «Залатое зерне» (Gutenberg Publisher).
Да ўдзелу дапускаюцца кнігі, выдадзеныя ў 2024 годзе. Усяго ў лонг-лісце 19 найменняў:
⚪️«Мое баба — діректор морга» — Вольга Аполька (Голя з Ополя), самвыд
⚪️«Самы цымус: смакі і водары беларуска-габрэйскай кухні» — Алесь Белы, Gutenberg Publisher
⚪️ «Ад двух да пятнаццаці. Мая мама ў турме» — Вольга Вялічка, Gutenberg Publisher
⚪️«Вольнеры. Бясконцы дзень» — Валер Гапееў, «Янушкевіч»
⚪️«Псіхараман. Уводзіны ў сучасную культуру» — Язэп Гніль, «Лысы Чэрап»
⚪️«Гульні Цырцэі» — Зміцер Дзядзенка, Kamunikat.org
⚪️«Занзібар. Сталенне маладой душы» — Сяргей Дубавец, «Вясна»
⚪️ «Стагоддзе НН» — Сяргей Дубавец, «Вясна»
⚪️ «Сфагнумы» — Андрэй Дудко і Ветэраны карнай псіхіятрыі, Smashwords
⚪️ «Стрыжэ і піша» — Сяргей Календа, Gutenberg Publisher
⚪️«Перамена месцаў» — Югася Каляда, «Пфляўбаўм»
⚪️ «Калі я выйду на волю» — Ганна Комар, Skaryna Press
⚪️ «Там, дзе няма цемнаты: Радыё Свабода» — Аляксандар Лукашук, «Вясна»
⚪️ «Апошняе пакаленне» — Макар, «Янушкевіч»
⚪️ «Жыццё ў дванаццаці апавяданнях» — Аляксей Правалоцкі, «Янушкевіч»
⚪️ «Залатое зерне» — Мечыслаў Ян Супрон, Gutenberg Publisher
⚪️ «Раз на дваццаць пяць тысяч гадоў» — Анка Упала, Alena Kazlova
⚪️«Гвалт» — Аляксандр Чарнуха, «Янушкевіч»
⚪️ «Забойства на вуліцы Макаёнка» — Клёк Штучны, Audiobooks.by і «Янушкевіч»
У склад журы ўвайшлі:
🟠 Катажына Дрозд-Урбаньска — беларусістка, літаратуразнаўца, ад’юнкт кафедры беларусістыкі Варшаўскага ўніверсітэта;
🟠 Сяргей Кавалёў — літаратуразнаўца, крытык, драматург, галоўны рэдактар навуковага часопіса Studia Białorutenistyczne;
🟠 Андрэй Хадановіч — паэт, перакладчык, літаратуразнаўца.
Прэмія імя Ежы Гедройця была заснавана ў 2012 годзе і ўручаецца Беларускім ПЭНам і Міжнародным саюзам беларускіх пісьменнікаў пры падтрымцы амбасады Польшчы ў Мінску і Польскага інстытута.
