Каракол шаарында жергиликтүү өз алдынча башкаруу органдарындагы коррупцияны токтотуу боюнча иштердин алкагында жолдорду капиталдык оңдоодо мыйзам бузуулар аныкталды. Мурдагы директор жана подрядчы жетекчиси камакка алынды.
🔍 Каракол шаарында коррупцияны алдын алуу боюнча жүргүзүлгөн иштердин алкагында, жергиликтүү өз алдынча башкаруу органдарында сатып алуулар жана жолдорду капиталдык оңдоо боюнча мыйзам бузуулар аныкталды.
🚧 2023-жылдын август айында Каракол шаарынын муниципалдык жол чарба ишканасынын мурдагы директору Д.Э.Э. өз кызмат абалынан кыянаттык менен пайдаланып, ОсОО «Г-У» курулуш компаниясынын жетекчиси Г.Ш.Г. менен мыйзамсыз түз келишим түзгөн.
💰 Жакыпов көчөсүн 660 метр узундукта капиталдык оңдоо үчүн түзүлгөн келишимдин суммасы 24,5 млн сомду түзгөн.
📉 Текшерүү учурунда иш сапатсыз материалдар менен аткарылганы жана көлөмү 3 млн 62 миң сомго ашыкча көрсөтүлгөнү аныкталды, бул мамлекетке өзгөчө чоң зыян келтирди.
🕵️ Экс-директор жана подрядчы уюмдун жетекчиси кармалып, Каракол шаардык ГОВДнын убактылуу кармоочу жайына эки айлык мөөнөткө камакка алынды.
🔎 Тергөөнүн иштери улантылууда.