Бакча Сарай авыл клубында әлеге матәм көненә багышланган "Без мәңгегә балалар булып калдык" хәтер сәгате булып узды.
Чара кысаларында 2014 ел вакыйгалары - Донбасста булган кораллы конфликт башлану яктыртылды, ул күп кенә балалар үлеменә һәм тыныч тормышны җимерүгә сәбәп булды. Алып баручы 2014 елның җәендә Украина кораллы көчләренең Луганскига һәм якын-тирә шәһәрләргә, бистәләргә массакүләм атышлары, 2014 елның 27 июленең «Донецк канлы якшәмбесе» турында искә төшерде. Ул вакытта «Град» җайланмаларыннан Горловкага атышлары нәтиҗәсендә дистәләгән тыныч халык һәлак булды, алар арасында балалар да бар иде.
Авыл клубы мөдире Донецкта Донбасс балаларына – сугыш корбаннарына багышланган «Фәрештәләр аллеясы» мемориаль комплексы һәм аны төзү тарихы, Луганскта Луганск Халык Республикасының һәлак булган балаларына һәйкәл турында сөйләде.
Асия Фәйзулованың хикәясе документаль хроника күрсәтү һәм шигырьләр уку белән үрелеп барды.
Катнашучылар бер минут тынлык белән барлык һәлак булганнарны, тыныч халыкны һәм кулларына корал тотып үз җирләрен Украина неонацистларыннан якларга баскан кешеләрне искә алдылар.
Хәтер сәгате тынычлыкны сакларга һәм иң кадерлесен – балалар тормышын һәм яңа буыннарның киләчәген сакларга кирәклеген искә төшереп торды.