Бишкек, 26.07.25. /Кабар/. Түндүк-Түштүк альтернативдүү автожолунун 283-284-чакырымдарында (Арал-Казарман бөлүгү) 24-июлда болгон ири таш кулоонун кесепеттерин жоюу боюнча активдүү иштер жүрүп жатат. Бүгүнкү күндө жолдон 4 000 кубометрге жакын таш тазаланды. Жалпы көлөмү болжол менен 70 000-80 000 кубометрди түзөт. Тазалоо иштерине экскаваторлор, жүктөгүчтөр, Howo маркасындагы жүк ташуучу унаалар жана айыл өкмөтүнүн кызматкерлери катышууда. Тазалоо күчөтүлгөн режимде уланууда. Жүргүнчүлөргө Казарман-Ак-Талчат жолу аркылуу айланып өтүү сунушталууда. Министрлик кырдаалды көзөмөлдөп, айдоочуларды тоолуу жолдордо этият болууга чакырат.
🌄 Бишкек шаарынан Казарман аймагына чейинки альтернативдик Түндүк-Түштүк жолунун 283-284-чакырымдарында 24-июлда болгон чоң таш кулоонун кесепеттерин жоюу боюнча иштер жүрүп жатат.
🛠️ Бүгүнкү күнгө карата жолдун үстүнөн 4 000 кубометрге жакын таш тазаланды. Ал эми алдын ала эсептөөлөр боюнча, жалпы көлөмү 70 000ден 80 000 кубометрге чейин жетет.
🚜 Тазалоо иштерине эки экскаватор, эки жүктөгүч, беш Howo жүк ташуучу унаасы жана 15 жумушчу тартылган.
⏱️ 24-июлда саат 12:00 чамасында таш кулоодон улам унаа кыймылы убактылуу токтотулган болчу.
🔄 Жолду тазалоо иштери жүрүп жатканда айдоочуларга Казарман–Ак-Талчат жолу аркылуу айланып өтүү сунушталган.
🚧 Министрлик кырдаалды көзөмөлдөп, айдоочуларды тоолуу жолдордо этият болууга чакырат.