Бишкек, 25.07.25. Ош шаарында патрулдук милициянын инспектору кызмат абалынан кыянаттык менен пайдаланганы үчүн кармалды. Ал мас абалындагы айдоочуну жоопкерчиликтен качырган деп шектелүүдө.
🚔 Ош шаарында патрулдук милициянын инспектору кызмат абалын кыянаттык менен пайдаланууга шектелип кармалды.
🔍 2025-жылдын 5-июлунда милициянын прапорщиги К.Т.К. рейд учурунда Chevrolet Spark унаасын токтотуп, айдоочусунун мас абалында экенин жана айдоочулук күбөлүгү жоктугун аныктаган.
📝 Инспектор мыйзамдуу чара көрүүнүн ордуна, Ош облустук наркологиялык борборуна жалган маалымат берип, медициналык кароого унаанын жүргүнчүсүнүн аты-жөнүн көрсөткөн. Натыйжада, чыныгы мыйзам бузган айдоочу жоопкерчиликтен качып кеткен.
🚗 Автомобиль мыйзамдуу протоколдор түзүлбөстөн, айдоочуга кайтарылып берилген.
👮 23-июлда Ош шаарынын УВДсынын эртең мененки жыйынында инспектор К.Т.К. ГКНБ жана ИИМдин ички коопсуздук кызматы тарабынан суракка чакырылып, кармалып, Ош шаарындагы ГКНБ СИЗОсуна киргизилди.
🔎 Тергөөнүн иш-чаралары улантылууда.