“Оҙайлы һәм әүҙем тормош” милли проектына ярашлы, Аҡъяр үҙәк район дауаханаһына ике яңы Lada Largus автомобиле алынды. Яңы еңел автомобилдәр ятҡан пациентты һәм бер медицина хеҙмәткәрен йәки дүрт пассажирҙы тейшле урынға илтә ала. Салонда носилкаларҙан башҡа педиатрия ҡайыштары йыйылмаһы һәм һауалағы бактерияларҙы, микроорганизм һәм вирустарҙы зарарһыҙландырыусы рециркулятор бар. 2025 йылда Башҡортостанда алты поликлиника файҙаланыуға тапшырыласаҡ. Шулай уҡ 134 модулле конструкцияны урынлаштырыу планлаштырыла. "Оҙайлы һәм әүҙем тормош” милли проекты (национальный проект “Продолжительная и активная жизнь”) “Һаулыҡ һаҡлау” милли проектын һәм элекке ҙур ҡоласлы “Демография” проектының ҡайһы бер йүнәлештәрен артабан үҫтерәсәк. Тәү сиратта ярҙам сараларын ғүмер оҙайлығы илдәге уртаса күрһәткестән артта ҡалған төбәктәр һәм ауылдар аласаҡ. Милли проект һаулыҡ һаҡлауҙың тәүге звеноһын артабан яңыртыуға йүнәлтелгән, йөрәк-ҡан тамырҙары, онкология һәм диабет сирҙәре менән көрәш буйынса федерал