Кытайда 14-17-август күндөрү Пекинде биринчи дүйнөлүк гуманоиддик роботтор оюндары өтөт. Роботтор 11 дисциплинада, анын ичинде жеңил атлетика жана футбол боюнча күч сынашат. Оюндун символу катары "энергетикалык кубдар" Пекиндин белгилүү жерлерине жеткирилет.
🤖 Кытайда биринчи жолу өтө турган Дүйнөлүк гуманоид роботтор оюндары 14-августтан 17-августка чейин Пекинде өткөрүлөт.
🏃♂️ 15-июлда Бадалин аймагында Улуу Кытай дубалында башталган “Энергетикалык кубдардын эстафетасы” оюндардын ачылышына чейин уланат. Бул эстафета оюндардын негизги программаларынын бири болуп саналат.
🤖 Ачылыш аземинде сегиз робот-спортчулардын катышуусунда эстафета өтүп, алар символикалык кубду ийгиликтүү өткөрүп, кыймылдардын так координациясын жана синхрондуулугун көрсөтүштү.
🏅 Роботтор бир ай бою “энергетикалык кубдарды” Пекиндин белгилүү маданий жана технологиялык объектилери аркылуу алып өтүшөт. Маршруттун акыркы пункту Улуттук муз тебүү борбору болуп, анда бардык кубдар биригип, жаркыраган “интеллектуалдык жүрөк” болуп күйгүзүлөт. Бул оюндардын символу болот.
⚽ Сынактар “Кыймылдагы интеллект, келечекке кадам” деген ураан алдында өтөт. Роботтор 11 спорттук дисциплиналарда, анын ичинде жеңил атлетика, чуркоо, узундукка жана бийиктикке секирүү, гимнастика жана футбол боюнча мелдешишет. Катышуучулар физикалык көрсөткүчтөрү менен гана эмес, координация деңгээли жана командада иштөө жөндөмдүүлүгү боюнча да бааланат.