Ош облусунун башчысы Эльчибек Жантаев Узген районундагы борбордук стадион жана «Орто-Коргон» паркынын курулуш иштерин текшерип, иштердин сапатын жана мөөнөтүн көзөмөлдөөнү тапшырды.
🌟 Ош облусунун башчысы Эльчибек Жантаев Узген районундагы социалдык жана инфраструктуралык объекттердин абалын текшерүү үчүн иш сапары менен барды.
🏟️ Узген шаарында курулуп жаткан борбордук стадиондун курулуш иштери жүрүп жатат. Футбол талаасы жана эски тосмолор бузулуп, жаңы чуркоо жолдору, волейбол аянтчасы, даараткана, душ жана медициналык пункт орнотулууда. Көрүүчүлөр үчүн жаңы отургучтар коюлуп, талаага түнкү жарык берүүчү системасы орнотулууда.
🚧 Стадиондун айланасы тосулуп, кошумча жол салынган. Суунун жалпы сыйымдуулугу 10 тонна болгон резервуарлардын курулушу толугу менен аяктады.
🌳 Эльчибек Жантаев стадиондун жанындагы «Орто-Коргон» паркынын курулуш иштерин да текшерип, жооптуу жетекчилерге бардык иштерди өз убагында жана сапаттуу бүтүрүү боюнча тапшырма берди.