Венгриянын борбору Будапештте "Polyák Imre & Varga János Memorial" турнири башталды. Бул турнирде кыргызстандык эки балбан 61 кг салмак категориясында күч сынашат.
🏆 Будапешт шаарында спорттук күрөш боюнча “Polyák Imre & Varga János Memorial” аттуу төртүнчү рейтингдик турнир башталды. Бул иш-чара эл аралык United World Wrestling федерациясынын колдоосу менен өтүүдө жана дүйнөнүн эң күчтүү балбандарын чогултуп, маанилүү рейтингдик упайларды топтоого мүмкүнчүлүк берет.
🤼♂️ Биринчи күндүн мелдештери эркин күрөш боюнча өтөт. Спортчулар 57 кг, 61 кг, 65 кг, 70 кг, 79 кг, 97 кг жана 125 кг салмак категорияларында күч сынашат.
🇰🇬 Кыргызстанды бул турнирде 61 кг салмак категориясында Бекзат Алмаз уулу жана Тайырбек Жумашбек уулу аттуу эки балбан өкүлдүк кылат. Бул спортчулар улуттук курама команданын мүчөлөрү болуп саналат.
🕒 Бишкек убактысы боюнча саат 14:30да мелдештер башталат.