Йәй уртаһына ла килеп еттек бит, йәмәғәт! Кәбәндәргә күсә шат йәй төҫө, Аҡ томанда — тилбер салғы сыңы. Һәм, башҡараҡ мәшәҡәткә күсеп, Һүрәнләнә осар ҡоштар моңо. Һауаларға бөрккән бесән еҫен Йәй уртаһы тигән ҡыҙыу миҙгел. Донъя шаулы, ул сағыу һәм йәшел. Ә һин ниңә болоҡһоу һуң, күңел? Тойоп ҡалсы ҡыҫҡа миҙгел тәмен Йәй уртаһы ауған һип-һил кистә! Сылата таң йөҙөн сәскәләрҙең, — Көҙөн көтә болон, көҙөн көтә... Дамир Шәрәфетдинов.
Йәй уртаһына ла килеп еттек бит, йәмәғәт!
Кәбәндәргә күсә шат йәй төҫө,
Аҡ томанда — тилбер салғы сыңы.
Һәм, башҡараҡ мәшәҡәткә күсеп,
Һүрәнләнә осар ҡоштар моңо.
Һауаларға бөрккән бесән еҫен
Йәй уртаһы тигән ҡыҙыу миҙгел.
Донъя шаулы, ул сағыу һәм йәшел.
Ә һин ниңә болоҡһоу һуң, күңел?
Тойоп ҡалсы ҡыҫҡа миҙгел тәмен
Йәй уртаһы ауған һип-һил кистә!
Сылата таң йөҙөн сәскәләрҙең, —
Көҙөн көтә болон, көҙөн көтә...
Дамир Шәрәфетдинов.
