#БарыБииргэ
ФОТОФАКТ
Дьокуускайга «Кыайыы 50 сыла» Спорт дыбарыаһыгар V өрөспүүбүлүкэтээҕи «Yлэ, иис күрэҕэ» иистэнньэҥ ийэлэр уонна волонтердар күрэстэрэ буола турар. Манна өрөспүүбүлүкэ хас да улууһуттан барыта 11 хамаанда, олор истэригэр Хаҥалас улууһуттан «Эркээни иис» (салайааччы Альбина Лукина) иистэнньэҥнэрэ хамаанданан кытта сылдьаллар.
Санатан эттэххэ, байыаннай таҥаһы тигэр иистэнньэҥнэр өрөспүүбүлүкэтээҕи күрэстэрин тэрийээччи, экспертнэй хамыыһыйа бэрэссэдээтэлэ Ирина Саввина буолар. Кини көҕүлээһининэн бу сыллар усталарыгар улуустарга «Илии сылааһын» филиаллара тэриллэннэр волонтердар бириэмэлэрин, сыраларын кэрэйбэккэ биир дойдулаахтарбытыгар, байыаннай дьайыы кыттыылаахтарыгар таҥас-сап тигэн көмөлөһөллөр. Иис күрэҕин түмүгэ бүгүн киэһэ биллиэ.
Ольга Гермогенова, «Хаҥалас» хаһыат.
