Президент Садыр Жапаров Академиянын модернизация пландары менен таанышып, билим берүү программалары, санариптештирүү жана эл аралык кызматташтык боюнча маалымат алды.
🇰🇬 Президент Садыр Жапаров бүгүн, 14-июлда, Жусуп Абдрахманов атындагы Кыргыз Республикасынын президентинин алдындагы Мамлекеттик башкаруу академиясын модернизациялоо пландары менен таанышты.
📚 Академиянын ректору Айгүл Калчакиева академиянын учурдагы ишмердүүлүгү, жетишкендиктери жана өнүгүүнүн негизги багыттары тууралуу маалымат берди.
🎓 Мамлекеттик жана муниципалдык кызматкерлердин квалификациясын жогорулатууга багытталган билим берүү программалары, заманбап окутуу ыкмаларын жана окуу процессин санариптештирүүнү киргизүү боюнча маалыматтар сунушталды.
🌍 Академиянын академиялык базасын бекемдөө, эл аралык кызматташууну өнүктүрүү жана окутуу процессине эксперттерди тартуу боюнча иштер жөнүндө айтылды.
🛠️ Мамлекеттик жана муниципалдык кызмат органдары үчүн адистерди даярдоонун комплекстүү системасын иштеп чыгуу жана кадрлар резервин түзүүнүн туруктуу механизмин түзүү пландары жөнүндө маалымат берилди.
🤝 Жолугушууну жыйынтыктап, президент Садыр Жапаров академиянын карамагындагы пансионаттын инфраструктурасын жана шарттарын жакшыртууга мамлекеттин каржылык колдоо көрсөтүүгө даяр экендигин билдирди.